എനിക്കറിയാവുന്ന ചിലകാര്യങ്ങള്‍ നിങ്ങളിലേക്ക് പകരാന്‍...
ചില വിദ്യകള്‍... ചില അഭ്യാസങ്ങള്‍... അങ്ങനെയങ്ങനെ
ആര്‍ക്കെങ്കിലും ഉപകാരപ്പെട്ടാലോ... !

Saturday, November 24, 2007

ഹാപ്പി ബ്ലോഗിങ്ങ്...

നമസ്ക്കാരം.

ഒരു പുതിയ ബ്ലോഗ് ചെയ്യുമ്പോള്‍ അതിലെ സെറ്റിങ്സിനെക്കുറിച്ച് പലരും സംശയമുന്നയിച്ച് കേട്ടിട്ടുണ്ട്. ബ്ലോഗ് സെറ്റിങ്ങ് , വേര്‍ഡ് വെരിഫിക്കേഷന്‍, കമന്റുകളില്‍ എങ്ങനെ ലിങ്ക് കൊടുക്കാം അങ്ങനെയങ്ങനെ... ഇവിടെ ഈ പോസ്റ്റില്‍ എനിക്കറിയാവുന്ന ചില കാര്യങ്ങള്‍ പറയുന്നു. എല്ലാം പൂര്‍ണ്ണമാകണമെന്നില്ല. അറിയാവുന്ന ചില കാര്യങ്ങള്‍ ഞാന്‍ ഇവിടെ പറായാന്‍ ശ്രമിക്കുന്നു, ആര്‍ക്കെങ്കിലും ഉപകരിച്ചാലോ...

( മലയാളം ടൈപ്പിങ്ങിനെക്കുറിച്ചും, യൂണികോഡ് ഫോണ്ട്, വരമൊഴി, മൊഴി, കീമാന്‍ എന്നിവയെക്കുറിച്ചും വക്കാരിമാഷ്‌ എഴുതിയ ‘ മലയാളത്തില്‍ എങ്ങനെ ബ്ലോഗാം’ എന്നതില്‍ പറഞ്ഞിട്ടുണ്ട്. ആ ബ്ലോഗിലേക്കുള്ള ലിങ്ക് ഈ പോസ്റ്റിന്റെ അവസാനഭാഗത്തായി ചേര്‍ത്തിട്ടുണ്ട്).

www.blogger.com എന്നതാണ് ബ്ലോഗറിന്റെ സൈറ്റ് അഡ്രസ്സ് എന്നത് അറിയാമല്ലോ... അങ്ങനെ സെര്‍ച്ചുമ്പോള്‍ നിങ്ങള്‍ക്ക് താഴെ കാണുന്നപോലെ ഒരി വിന്‍ഡോ ലാഭിക്കുന്നു. പുതുതായി ബ്ലോ‍ഗ് ഉണ്ടാക്കാന്‍ ആഗ്രഹിക്കുന്നവര്‍ Create A New Blog എന്ന ലിങ്കില്‍ ക്ലിക്കുക.



അങ്ങനെ ക്ലിക്കുമ്പോള്‍ നിങ്ങള്‍ Create A Google Account എന്ന പേജിലേയ്ക്ക് എത്തിപ്പെടുന്നു. അവിടെ നിങ്ങളുടെ ഇ-മെയില്‍ ഐഡി ( യാഹൂ ഐഡിയും ഉപയോഗിക്കാം), പാസ്‌വേര്‍ഡ് എന്നിവ സെറ്റ് ചെയ്യുക. ഈ ഇ-മെയിലും പാസ്‌വേര്‍ഡും ആയിരിക്കും നിങ്ങള്‍ സൈന്‍ ഇന്‍ ചെയ്യാന്‍ ഉപയോഗിക്കേണ്ടത്. ( യാഹൂ ഐഡിയാണ് ഉപയോഗിക്കുന്നതെങ്കില്‍ സൈന്‍ ഇന്‍ ചെയ്യുമ്പോള്‍ user@yahoo.com എന്നത് മുഴുവനായി ടൈപ്പണം )

ഇവിടെ Display Name എന്ന ഭാഗത്ത് നിങ്ങളുടെ പേര് അല്ലെങ്കില്‍ നിങ്ങള്‍ അറിയപ്പെടാന്‍ ഉദ്ദേശ്ശിക്കുന്ന പേര് മലയാളത്തില്‍ എഴുതുക. (ഇവിടെ ‘മിത്രം’ എന്ന് കാണാം. )അതായിരിക്കും നിങ്ങള്‍ ബൂലോകത്ത് അറിയപ്പെടുന്ന പേര്.



ഒരു ബ്ലോഗ് സ്വന്തമായുള്ളവര്‍ പുതുതായി ഒന്ന് തുടങ്ങാന്‍ സൈന്‍ ഇന്‍ ചെയ്ത് Dash Board ല്‍ Create a Blog എന്നതില്‍ ക്ലിക്കിയാല്‍ മതി.



അങ്ങനെ സ്റ്റെപ്പ് ഒന്നില്‍ നിന്നും രണ്ടിലെത്തി. അവിടെ നിങ്ങളൂടെ ബ്ലോഗിന്റെ പേര് മലയാളത്തില്‍ ടൈപ്പുക (മലയാളം ബ്ലോഗിങ്ങ് ആയതിനാല്‍ അതാണ് അഭികാമ്യം എന്ന് കരുതുന്നു), ബ്ലോഗ് അഡ്രസ്സും എഴുതുക ( ഇങ്ങനെ എഴുതുന്ന അഡ്രസ്സ് ലഭ്യമാണോ എന്നറിയാനുള്ള സംവിധാനം അതിനടുത്ത് തന്നെയുണ്ട്)

അങ്ങനെയുള്ള ആ അഡ്രസ്സ് www.name.blogspot.com OR www.name.blogspot.com ) ആണ് നിങ്ങളുടെ ബ്ലോഗ് അഡ്രസ്സ്. ഇത് നേരിട്ട് ടൈപ്പി സെര്‍ച്ചിയാല്‍ നിങ്ങള്‍ക്ക് Administrator Privilage ഇല്ലാതെ നിങ്ങളുടെ ബ്ലോഗ് കാണാന്‍ പറ്റും ( സൈന്‍ ഇന്‍ ചെയ്യാതെ)



അതിനു ശേഷം Continue എന്നതില്‍ ക്ലിക്കിയാല്‍ നിങ്ങള്‍ Choose Template എന്ന പേജിലെത്തും.
അവിടെ നിന്നും നിങ്ങള്‍ക്കിഷ്ടപ്പെട്ട ടെമ്പ്ലേറ്റ് തിരഞ്ഞെടുക്കാവുന്നതാണ്. അങ്ങനെ തിരഞ്ഞെടുക്കുന്ന Template പിന്നീട് മാറ്റാവുന്നതുമാ‍ണ്. സെലക്ട് ചെയ്ത ശേഷം Continue ക്ലിക്കുക.



നിങ്ങളുടെ ബ്ലോഗ് അവതരിച്ചതിന്റെ സന്തോഷ സൂചകമായി ബ്ലോഗര്‍ താഴെകാണുന്ന ഒരു പേജ് കാണിക്കും.
എന്നിട്ട് പറയും നിങ്ങളുടെ ബ്ലോഗ് അവതരിച്ച് കഴിഞ്ഞു..!. ഇനി തുടങ്ങാം... അതിനായി Start Posting എന്നതില്‍ ക്ലിക്കുക.



അവിടെ നിന്നും നിങ്ങള്‍ നേരെ എത്തുന്നത് താഴെ കാണുന്ന പേജിലാകും. Dash Board ല്‍ നിന്നും Post എന്ന ലിങ്കില്‍ കൂടിയും ഇവിടെ എത്താം.



ബ്ലോഗില്‍ വലതു വശത്ത് മുകളിലായി കാണുന്ന New Post എന്നിതില്‍ ക്ലിക്കിയാല്‍ ഇതേ പേജില്‍ എത്തും Customize എന്നതില്‍ ക്ലിക്കിയാല്‍ Tempalte സെറ്റിങ്സിലെ Page Elements എന്ന ഭാഗത്തേയ്ക്ക് പോകും ( അതിനെപ്പറ്റി താഴെ പറയാം)



1.Settings

അതില്‍ ആദ്യം Basic എന്നതില്‍ നോക്കാം. നിങ്ങള്‍ നേരത്തേ കൊടുത്ത പേര് Title എന്നതിന് നേരെ വന്നുകാ‍ണും Description എന്നതില്‍ നിങ്ങളുടെ ബ്ലോഗിനെകുറിച്ച് ഒരു ചെറിയ വിവരണമോ മറ്റോ കൊടുക്കാവുന്നതാണ്. ഇവിടെ കൊടുത്തിരിക്കുന്നത് നോക്കുക...അത് എങ്ങനെ ബ്ലോഗില്‍ കാണുന്നു എന്നെത് തുടര്‍ന്നുള്ള ചിത്രങ്ങളില്‍ നിന്നും കാണാം.

അതിനു ശേഷം ആവശ്യമെങ്കില്‍ Show Email Post Link എന്നത് Yes എന്നാക്കി മാറ്റാം( No എന്നായിരിക്കും സാധാരണയായി ആ പേജില്‍ കാണുക), ഇത് മുഖേന നിങ്ങളുടെ പോസ്റ്റുകള്‍ വായനക്കാര്‍ക്ക് പോസിറ്റില്‍ നിന്നു തന്നെ തങ്ങളുടെ സുഹൃത്തുക്കള്‍ക്ക് ഇ-മെയിലായി അയക്കാനുള്ള സൌകര്യം ഉണ്ടാകുന്നു.

മറ്റുള്ളവ തത്ക്കാലം മാറ്റം വരുത്താതെ തുടരുകയാണ് നല്ലതെന്ന് തോന്നുന്നു. വരുത്തിയ മാറ്റങ്ങള്‍ Save ചെയ്യുക.



അതിനു ശേഷം Publishing എന്നതില്‍ പോയാല്‍ താഴെകാണുന്ന പേജ് ലഭിക്കും. ഇപ്പൊള്‍ നമ്മള്‍ ബ്ലോഗ് പോസ്റ്റുകള്‍ Publish ചെയ്യുന്നത് blogspot.com എന്ന Domain വഴിയാണ്. നിങ്ങള്‍ തിരഞ്ഞെടുത്ത blogspot അഡ്രസ്സും അവിടെ കാണാവുന്നതാണ്.ഈ പേജില്‍ മാറ്റങ്ങളൊന്നും വരുത്തേണ്ടതില്ല. (നിങ്ങള്‍ക്ക് വേണമെങ്കില്‍ blogspot.com എന്ന Domain മാറ്റി മറ്റേതെങ്കിലും Domain തിരഞ്ഞെടുക്കാനുള്ള സൌകര്യം ബ്ലോഗര്‍ തരുന്നുണ്ട്. അത് ചെയ്യുന്നതിനു മുന്‍പ് അവയെപ്പറ്റി പഠിക്കുന്നത് നന്നായിരിക്കും. Domain കളെക്കുറിച്ച് വിക്കിപീഡിയ പറയുന്നത് ഇങ്ങനെ.)



അടുത്തതായി Formating എന്നതില്‍ ഉള്ള സെററ്റിങ്സ് നോക്കാം. ആദ്യമായി നിങ്ങളുടെ ബ്ലോഗിന്റെ Main Page ല്‍ എത്ര പോസ്റ്റുകള്‍ കാണിക്കണം എന്നതാണ്. 1 മുതല്‍ 7 പോസ്റ്റുകള്‍ വരേ ഒരേ സമയം Main Page ല്‍ കാണിക്കാനുള്ള സൌകര്യം ഉണ്ട്. ആവശ്യത്തിനനുസരിച്ച് അതില്‍ മാറ്റങ്ങള്‍ വരുത്താവുന്നതാണ്. പിന്നീടുള്ള സെറ്റിങ്സ് വായിച്ച് നോക്കി ആവശ്യാനുസരണം മാറ്റം വരുത്തുക. Time Zone എന്നതില്‍ Time സെറ്റ് ചെയ്യുക. ഇവിടെ യു.എ.ഇ. സെറ്റിങ് കാണാവുന്നതാണ്. ബ്ലോഗിലെ പോസ്റ്റിന്റേയും കമന്റുകളുടേയും കൂടെ കാണിക്കുന്ന Date ഉം Time ഉം ഈ സെറ്റിങ്നെ ആശ്രയിച്ചിരിക്കുന്നു.

താഴേ Template മാറ്റാനുള്ള സൌകര്യമുണ്ടെങ്കിലും അത് ചെയ്യാന്‍ മറ്റുവഴികളുള്ളത് കൊണ്ട് ആ കാര്യം അവിടെ പറയുന്നതാണ്. ഓരോ പേജിലും ആവശ്യമെന്ന് തോന്നുന്ന മാറ്റങ്ങള്‍ വരുത്തിയ ശേഷം Save ചെയ്യേണ്ടതാണ്.



അടുത്തതായി Comments എന്ന ഭാഗമാണ്. ഇവിടെ ചില സെറ്റിങ്ങുകള്‍ മാറ്റുന്നത് നല്ലതായിരിക്കും.
Who Can Comment എന്നതിനു നേരെ Only Registered Users എന്നാക്കിമാറ്റിയാല്‍ Anonymous Comment കള്‍ ഒഴിവാക്കാം.Only Members Of This Blog എന്നതാണെങ്കില്‍ ആ ബ്ലോഗില്‍ അംഗത്വം ഉള്ളവര്‍ക്ക് മാത്രമേ Comment കള്‍ ചെയ്യാനാകൂ.

Comment Form Message എന്നതില്‍ ടൈപ്പുന്നത് comment Window യില്‍ Leave your comment എന്നതിനു താഴെ വരുന്നതാണ്.(ഇവിടെ നോക്കുക)

Show comments in a popup window? എന്നത് No എന്നാക്കുക. ചില സിസ്റ്റങ്ങളില്‍ popup window ബ്ലോക്ക് ചെയ്തിരിക്കും. അങ്ങനെയുള്ളവര്‍ക്ക് comment ഇടാന്‍ ഇതില്‍ YES എന്ന് കിടന്നാല്‍ ബുദ്ധിമുട്ടാകും ( അങ്ങനെയുള്ളവര്‍ ctrl അമര്‍ത്തി Comment Link ല്‍ ക്ലിക്കിയാല്‍ മതി).

Enable comment moderation? എന്നത് നിങ്ങളുടെ യുക്തം പോലെ ഉപയോഗിക്കാവുന്നതാണ്. No ആണെങ്കില്‍ വായനക്കാരിടുന്ന comment കള്‍ ആ പോസ്റ്റില്‍ അപ്പോള്‍ തന്നെ Publish ആകുകയും പിന്നീട് വരുന്ന വായനക്കാര്‍ക്കും കൂടി വായിക്കാന്‍ പറ്റുകയും ചെയ്യും.

comment moderation , YES ആണെങ്കില്‍ നിങ്ങള്‍ കൊടുക്കുന്ന മെയില്‍ അഡ്രസ്സിലേക്ക് വായനക്കാരിടുന്ന comment കള്‍ ഫോര്‍വേര്‍ഡ് ചെയ്യുകയും, നിങ്ങള്‍ക്ക് അവ വായിച്ച ശേഷം അഭികാമ്യം എന്ന് തോന്നുന്നവമാത്രം Accept ചെയ്ത് Publish ചെയ്യാനും അല്ലാത്തവ Reject ഉള്ള സൌകര്യം ലഭിക്കുകയും ചെയ്യുന്നു.

Show word verification for comments? എന്നത് No എന്നാക്കി മാറ്റുന്നതാണ് നല്ലതെന്ന് തോന്നുന്നു. പലപ്പോഴും ഈ word verification ഒരു തലവേദനയായി തോന്നിയിട്ടുണ്ട്. അത് YES ആണെങ്കില്‍ കമന്റിനോടൊപ്പം ഒരു ഓ:ടോ: [ ഓഫ് ടോപ്പിക് ] മെസേജ് ആയി “ ആ word verification മാറ്റിക്കൂടെ” എന്നൊരു comment കിട്ടാനുള്ള സാദ്ധ്യത കൂടുതലാണ്.

( അപ്ഡേറ്റഡ് : word verification , YES ആണെങ്കില്‍ സ്പാം കമന്റുകള്‍ തടയാം എന്ന് വക്കാരിമാഷ് അറിയിച്ചിരിക്കുന്നു.താഴെ, കൂട്ടിച്ചേര്‍ത്തത് 1 നോക്കുക )

( അപ്ഡേറ്റഡ് : word verification, No ആയി സെറ്റ് ചെയ്താലും മലയാളം ബ്ലോഗുകളെ സംബന്ധിച്ച് കുഴപ്പമൊന്നുമില്ല എന്ന് സെബിന്‍ ചേട്ടന്‍ അറിയിക്കുന്നു.comment moderation ,Who Can Comment എന്നിവയെക്കുറിച്ച് അദ്ദേഹം പറഞ്ഞത് താഴെ, കൂട്ടിച്ചേര്‍ത്തത് 4 നോക്കുക )

Show profile images on comments? എന്നത് No ആക്കിമാറ്റിയാല്‍ comment പേജ് ലോഡ് ആവനുള്ള സമയം കുറയും.

Comment Notification Address എന്നതില്‍ “marumozhikal@gmail.com“ എന്ന അഡ്രസ്സ് ടൈപ്പിയാല്‍ നിങ്ങളുടെ പോസ്റ്റില്‍ വരുന്ന കമന്റുകള്‍ ‘മറുമൊഴികള്‍’ എന്ന ഗൂഗിള്‍ സംഘത്തിലേക്ക് അയക്കപ്പെടുന്നു, അതുവഴി ആ പോസ്റ്റ് ശ്രദ്ധിക്കപ്പെടാനുള്ള സാദ്ധ്യതയും കൂടുതലായി കാണുന്നു.



അടുത്തഭാഗത്ത് നമ്മള്‍ ചെയ്യുന്ന പോസ്റ്റുകള്‍ എങ്ങനെ ക്രമീകരിക്കണം എന്ന് പറഞ്ഞിരിക്കുന്നു. അതില്‍ Monthly എന്നത് തന്നെയാണ് നല്ലത് എന്ന് തോന്നുന്നു. കൂടുതല്‍ പോസ്റ്റുകള്‍ ഉണ്ടെങ്കില്‍ മറ്റുള്ള സെറ്റിങ്സിലേക്കും മാറ്റാം. Enable Post Pages എന്നത് ഓരോ‍ പോസ്റ്റിനും അതിന്റേതായ പേജുകള്‍ നല്‍കുന്നതിനു വേണ്ടിയാണ്. അഗ്രഗേറ്ററുകളില്‍ കൂടി പോകുമ്പോള്‍ ഓരോ പോസ്റ്റും കാണുന്നത് ഇങ്ങനെയാണ്.( ആ പോസ്റ്റും അതിനുള്ള അഭിപ്രായങ്ങളും ഒരു പേജില്‍).


അടുത്ത ഭാഗത്ത് Site Feed കളെക്കുറിച്ചാ‍ണ്. അതിലെ സെറ്റിങ്സ് എല്ലാം Short എന്നാക്കി മാറ്റുന്നതാണ് ഉത്തമം എന്ന് പറഞ്ഞ് കേട്ടിരിക്കുന്നു. Full എന്ന് കിടന്നാല്‍ Feed Burner ,Readers എന്നിവയില്‍ നിന്നു കൊണ്ടതന്നെ ( ബ്ലോഗിലേക്ക് വരാതെ) പോസ്റ്റുകളും അഭിപ്രായങ്ങളും വായിക്കാന്‍ പറ്റുമെന്നും, Short എന്നാണെങ്കില്‍ ഒരു ചെറിയ ഭാഗം മാത്രം കാണിക്കുകയും മുഴുവനോടെ വായിക്കണമെങ്കില്‍ ബ്ലോഗിലേക്ക് വരേണ്ടതായും വരും എന്നും കേട്ടിരിക്കുന്നു.
[ ഈ വിഷയത്തില്‍ എനിക്ക് വ്യക്തമായുള്ള അറിവുകള്‍ കുറവാണ്. Site Feed കളെക്കുറിച്ച് കൂടുതല്‍ ഇവിടെ ]

(അപ്ഡേറ്റഡ് : Site Feed കളെക്കുറിച്ച് പറഞ്ഞിരിക്കുന്ന കാര്യങ്ങള്‍ കേട്ടറിവ് മാത്രമാണ്, ദയവായി താഴെ വിശ്വന്‍ മാഷ് പറഞ്ഞിരിക്കുന്നത് ശ്രദ്ധിക്കൂ, സെറ്റിങ്സ് എല്ലാം Full എന്ന് തന്നെയാണ് ഉത്തമം എന്ന് അദ്ദേഹം ചൂണ്ടിക്കാണിക്കുന്നു. താഴെ, കൂട്ടിച്ചേര്‍ത്തത് 2 നോക്കുക)



അടുത്തഭാഗമായ ഇ-മെയില്‍ സെക്ഷനില്‍ നമ്മുടെ ബ്ലോഗില്‍ Publish ചെയ്യുന്ന പോസ്റ്റുകള്‍ ഇ-മെയിലായി സുഹൃത്തുക്കള്‍ക്കെത്തിക്കാനുള്ള സൌകര്യം ചെയ്തിരിക്കുന്നു. ആവശ്യമായ അഡ്രസ്സ് അതിനായുള്ള ഭാഗത്ത് കൊടുക്കാവുന്നതാണ്.



അടുത്ത ഭാഗത്ത് നിങ്ങള്‍ളുടേ ബ്ലോഗിലേക്ക് മറ്റു ബ്ലോഗര്‍മാരെ അംഗങ്ങളായി ചേര്‍ക്കാനും നിങ്ങളുടെ ബ്ലോഗ് ആരെല്ലാം വായിക്കണം എന്ന് തിരുമാനിക്കാനുമുള്ള സൌകര്യം ഉണ്ട്.
ബ്ലോഗിലേക്ക് പുതിയ ബ്ലോഗര്‍മാരെ ആഡ് ചെയ്യാന്‍ Add Authers എന്നത് ക്ലിക്കി അതില്‍ അവരുടെ മെയില്‍ ഐഡി കൊടുത്ത് Invite എന്നത് ക്ലിക്കിയാല്‍ മതി.



2. Template Setting

അടൂത്തതായി Template Setting നോക്കാം.
അതിനായി Setting എന്ന ടാബിനടുത്തുള്ള Template എന്ന ടാബ് ക്ലിക്കുക. അതില്‍ Pick New Template എന്നതില്‍ നിന്നും തുടങ്ങാം. നേരത്തേ തിരഞ്ഞെടുത്തിരിക്കുന്ന Template മാറ്റാനുള്ള സൌകര്യം ഇവിടുണ്ട്. ആവശ്യമായത് സെലക്‍ട് ചെയ്ത് അതിനു താഴെയുള്ള Preview എന്നതില്‍ ക്ലിക്കി അതിന്റെ ഘടന കാണാവുന്നതാണ്. അങ്ങനെ സെലക്‍ട് ചെയ്ത Template സേവ് ചെയ്യുക.



ബ്ലോഗറിലെ Template കളല്ലാതെ മറ്റു Blog Template കളും നമുക്ക് ഉപയോഗിക്കാവുന്നതാണ് ( കുറച്ച് Template കള്‍ ഇവിടെ )അവിടെ നിന്നും സെലക്‍ട് ചെയ്യുന്ന Template കളുടെ html code കോപ്പി ചെയ്ത് ബ്ലോഗറില്‍ Edit HTML എന്ന ടബില്‍ Edit Template എന്നതിനു താഴെ അവിടെ ഉള്ളതിനു പകരമായി പേസ്റ്റുക. എന്നിട്ട് സേവ് ചെയ്താല്‍ Template മാറും.



അടുത്ത ഭാഗമായ Fonts and Colors എന്നതില്‍ Template ന്റെ ഓരോ ഭാഗങ്ങളിലുള്ള നിറങ്ങളും Font കളുടെ നിറങ്ങളും അതിന്റെ വലുപ്പവും മറ്റും മാറ്റി ബ്ലോഗിനെ കൂടുതല്‍ മോടിപിടിപ്പിക്കാം താഴെയുള്ള ചിത്രങ്ങള്‍ നോക്കുക.





അടുത്തഭാഗമായ Page Elements ബ്ലോഗിന്റെ Main Page ആവശ്യമായ മാറ്റങ്ങള്‍ വരുത്തുന്നതിന് സഹായകമാകുന്നു.അതില്‍ കാണുന്ന എഡിറ്റ് ബട്ടണുകളില്‍ ക്ലിക്കി ആവശ്യമായ മാറ്റങ്ങള്‍ വരുത്താം.


ഹെഡര്‍ എന്നതിലെ എഡിറ്റ് ബട്ടണ്‍ ക്ലിക്കുമ്പോള്‍ ഒരു വിന്‍ഡോ ഓപ്പണ്‍ ആകുകയും അവിടെ വേണമെന്നുണ്ടെങ്കില്‍ നമുക്ക് ബ്ലോഗിന്റെ പേരും വിവരണവും മാറ്റാനും, തലക്കെട്ട് ഉണ്ടെങ്കില്‍ അത് അപ്‌ലോ‍ഡ് ചെയ്യാനും അവസരമൊരുക്കുന്നു. തലക്കെട്ട് ഒട്ടിക്കാന്‍ image എന്നതിനുനേരെയുള്ള browse ടാബില്‍ ക്ലിക്കി കമ്പ്യൂട്ടറിലുള്ള തലക്കെട്ട് അപ്‌ലോഡ് ചെയ്യുകയോ അല്ലെങ്കില്‍ വെബില്‍ നിന്ന് URL നേരിട്ട് പേസ്റ്റി അപ്‌ലോഡ് ചെയ്യുകയോ ചെയ്യാവുന്നതാണ്. അപ്‌ലോ‍ഡ് ചെയ്ത ശേഷം Instead Of Title & Description എന്നത് ക്ലിക്കി ആ സെറ്റിങ് സേവ് ചെയ്യുക. [തലക്കെട്ട് നിര്‍മ്മാണം ഇവിടെ]



Blog Archive എന്നത് എഡിറ്റി അതിന്റെ ടൈറ്റിലില്‍ ഈ ബ്ലോഗില്‍ ഇതു വരെ , പഴയവ തുടങ്ങിയ പേരുകള്‍ ചേര്‍ത്ത് മലയാളീകരിക്കാവുന്നതാണ് .



About Me എന്നതി എഡിറ്റി ബ്ലോഗറെക്കുറിച്ചുള്ള വിവരങ്ങള്‍ ചേര്‍ക്കാവുന്നതാണ്. ഇത് നിങ്ങളുടെ ബ്ലോഗിന്റെ Main page ല്‍ ദൃശ്യമാകും.




പുതിയ വിവരങ്ങളോ, ലിങ്കുകളോ, ചിത്രങ്ങളോ ബ്ലോഗിലേക്ക് ചേര്‍ക്കാന്‍ Add Page Element എന്നതില്‍ ക്ലിക്കി താഴെ കാണുന്ന ടേബിളില്‍ നിന്നും ആവശ്യമായവ തിരഞ്ഞെടുക്കാവുന്നതാണ്. അങ്ങനെ തിരഞ്ഞെടുക്കുന്നവ നിങ്ങളുടെ ബ്ലോഗിലേക്ക് ചേര്‍ക്കപ്പെടുന്നു. ഇതില്‍ ഏതെങ്കിലും ഘടകങ്ങള്‍ ബ്ലോഗില്‍ നിന്നും മാറ്റണമെങ്കില്‍ അതിനു നേരെയുള്ള എഡിറ്റില്‍ ക്ലിക്കി Remove Page Element എന്നത് ചെയ്താല്‍ മതി.



ഇങ്ങനെ ചേര്‍ത്തവ നമ്മുടെ ഇഷ്ടാനുസരണം സ്ഥാനങ്ങള്‍ മാറ്റാവുന്നതാണ്. അതിനായി താഴെ കാണുന്ന പ്രകാരം മാറ്റേണ്ട ടാബില്‍ ക്ലിക്കിക്കൊണ്ട് ആവശ്യമായ സ്ഥാനത്തേയ്ക്ക് വലിക്കുക. അവിടെ കൊണ്ട് ചെന്ന് വച്ച ശേഷം മൌസ് റിലീസ് ചെയ്യുക.



ഇങ്ങനെ മാറ്റുന്ന സെറ്റിങ്ങുകള്‍ കാണുന്നതിനായി Preview നോക്കാവുന്നതാണ്. View Blog ക്ലിക്കി ബ്ലോഗില്‍ ചെന്ന് മാറ്റമൊന്നും കണ്ടില്ലെങ്കില്‍ Ctrl,F5 എന്നീ കീകള്‍ ഒരുമിച്ചാക്കുക. വരുത്തിയ വ്യത്യാസം ദൃശ്യമാകും.




3. Posting

ബ്ലോഗുകളില്‍ വരുന്ന പോസ്റ്റുകള്‍ സെറ്റ് ചെയ്യാനുള്ള വിന്‍ഡോ ആണ് താഴെയുള്ള ചിത്രത്തില്‍ നിങ്ങള്‍ എഴുതുന്ന പോസ്റ്റിന്റെ Title അതിനായി കൊടുത്തീരിക്കുന്ന കള്ളിയില്‍ എഴുതുക. ഓരോ പോസ്റ്റിനും അതിന്റേതായ പേരുകള്‍ കൊടുക്കാന്‍ ശ്രമിക്കുക.
ഈ വിന്‍ഡോയില്‍ യൂണിക്കോഡ് ഫോണ്ടുകള്‍ ഉപയോ‍ഗിച്ച് മലയാളം നേരിട്ട് ടൈപ്പ് ചെയ്ത് അതില്‍ മാറ്റങ്ങള്‍ വരുത്താവുന്നതാണ്. ഫോണ്ടിന്റെ സൈസ്, ബോള്‍ഡ്നെസ്, കളര്‍ , അലൈന്മെന്റ് തുടങ്ങിയവയും ലിങ്കുകള്‍ കൊടുക്കുന്നതിന് സഹായിക്കുന്ന Hyperlink tool, ചിത്രങ്ങള്‍, വീഡീയോ എന്നിവ അപ്‌ലോ‍ഡ് ചെയ്യാനുള്ള Tool കളും Blogger ഇതില്‍ തന്നിരിക്കുന്നു.
(ലിങ്ക് കൊടുക്കുന്നതിനായി ആവശ്യമായ ഭാഗം സെലക്‍ട് ചെയ്ത് Hyperlink tool ല്‍ ക്ലിക്കുക, അപ്പോള്‍ വരുന്ന Pop Up Window യില്‍ ലിങ്കേണ്ട സൈറ്റിന്റെ ‘http://‘ അഡ്രസ്സ് കൊടുക്കുക).
ടൈപ്പിയതിന്റെ Preview കാണാനുള്ള സൌകര്യവും ഉണ്ട്. താഴെയായി ആ പോസ്റ്റിന്റെ Comment Settings, Labels (പോസ്റ്റിന്റെ ഉള്ളടക്കത്തിനെ പറ്റി ഒറ്റവാക്ക് , കഥ, കവിത, നര്‍മ്മം ...അങ്ങനെ ),Post Time ( പോസ്റ്റ് ചെയ്യുന്നതിന് മുന്‍പ് ഒന്ന് നോക്കുന്നത് നന്നായിരിക്കും, ഒരു പക്ഷേ ആദ്യം Draft autosaved ചെയ്ത സമയമായിരിക്കും കിടക്കുന്നത്) എന്നിവ കാണാം. എല്ലാം സെറ്റ് ചെയ്ത പോസ്റ്റ് Publish ചെയ്യുന്നതിന് Publish Post എന്നതില്‍ ക്ലിക്കുക.






നിങ്ങള്‍ തയ്യാറാക്കിയ പോസ്റ്റ് Publish ചെയ്യാതെ Draft ആയി സേവ് ചെയ്യാനും സാധിക്കും( ഇപ്പോള്‍ autosave എന്ന സംവിധാനം ഉള്ളത് കൊണ്ട് പോസ്റ്റിനായി ചെയ്യുന്നതെല്ലാം Blogger സേവ് ചെയ്തുകൊണ്ടെ ഇരിക്കും). അങ്ങനെ സേവ് ചെയ്തവ മറ്റൊരവസരത്തില്‍ പോസ്റ്റുന്നതിന് Edit Post എന്നതില്‍ പോയി ആ പോസ്റ്റിനു നേരെയുള്ള Edit എന്നതി ക്ലിക്കിയാല്‍ ആ പോസ്റ്റ് ഓപ്പണ്‍ ആകുകയും പോസ്റ്റ് ചെയ്യുകയും ചെയ്യാം, ആവശ്യമുള്ള എഡിറ്റിങ്ങും നടത്താം.


Edit Post പേജ് താഴെകാണിച്ചിരിക്കുന്നു. പോസ്റ്റിനു നേരെയുള്ള എഡിറ്റിങ്ങ് ബട്ടനും , ഡീലീറ്റാനുള്ള (വലതു വശത്ത് ) ബട്ടനും കാണാവുന്നതാണ്.



4. Edit Profile



സൈന്‍ ഇന്‍ ചെയ്ത് Dash Board ല്‍ എത്തിയാല്‍ Post, Setting, Layout ( Template) എന്നിവിടങ്ങളിലേക്കുള്ള ലിങ്കുകളും, ബ്ലോഗ് കാണാനുള്ള ലിങ്കുകളും ലഭ്യമാണ്. വലതു വശത്തായി നോക്കിയാല്‍ നമ്മുടെ Profile ഉം കാണാവുന്നതാണ്. അതില്‍ Edit Profile ക്ലിക്കിയാല്‍ നമുക്ക് നമ്മുടെ Profile ആവശ്യമായ വിവരങ്ങള്‍ ചേര്‍ക്കാവുന്നതാണ്.





ഇതില്‍ Share My Profile ഓഫ് ചെയ്താല്‍ Profile മറ്റുള്ളവര്‍ക്ക് കാണാനാകില്ല. അതിനാല്‍ അതെപ്പോഴും ഓണ്‍ ചെയ്തെടുക.
Show my real name എന്നത് ടിക് ചെയ്താല്‍ താഴെ First Name, Last Name എന്നിവിടങ്ങില്‍ കൊടുത്ത പേരുകള്‍ Profile ലില്‍ ദൃശ്യമാകും.
Show my email address എന്നത് ഓണ്‍ ചെയ്താല്‍ നിങ്ങളുടെ മെയില്‍ അഡ്രസ്സും Profile ലില്‍ ദൃശ്യമാകും.
Display Name നിങ്ങളുടെ ബ്ലോഗിലെ പേര് കാണിക്കുന്നു.
താഴെ കാണുന്നവയില്‍ ആവശ്യമെന്ന് തോന്നുന്നതെല്ലാം ഭാഗങ്ങളിലെല്ലാം നിങ്ങള്‍ക്ക് എഴുതിച്ചേര്‍ക്കാവുന്നതാണ്.
Country, Work, Industry എന്നിവയും എഴുതിയാല്‍ നല്ലത്.






Edit User Profile ല്‍ Select blogs to display എന്നതില്‍ ക്ലിക്കിയാല്‍ നമുക്ക് ഒന്നില്‍ കൂടുതല്‍ ബ്ലോഗുകള്‍ ഉണ്ടെങ്കില്‍ Profile ല്‍ ഏതെല്ലാം കാണിക്കണം എന്നത് സെറ്റ് ചെയ്യാം.



അതില്‍ ക്ലിക്കുമ്പോള്‍ ഈ പേജ് വരുകയും അതില്‍ നമ്മുടെതായ എല്ലാ ബ്ലോഗുകളുടേയും പേരുകള്‍ വരുകയും ചെയ്യും (ഇവിടെ ഓരു ബ്ലോഗേ ഉള്ളൂ, അത്കൊണ്ടാണ് ഒരെണ്ണം മാത്രം കാണിക്കുന്നത്). അതില്‍ Profile ല്‍ കാണിക്കേണ്ടാത്തതായ ബ്ലോഗുകള്‍ക്ക് നേരെയുള്ള ടിക് മാര്‍ക്ക് നീക്കം ചെയ്ത ശേഷം സേവ് ചെയ്യുക.




5.Insert Photo To Profile

പോസ്റ്റിങ്ങ് പേജില്‍ പോയി ആവശ്യമായ ചിത്രം അപ്‌ലോഡ് ചെയ്യുക.




അപ്‌ലോഡ് ചെയ്ത ചിത്രം പോസ്റ്റുക.

(അപ്ഡേററ്റഡ് : അപ്‌ലോഡ് ചെയ്ത ചിത്രം പോസ്റ്റാക്കാതെ Draft ആയി സേവ് ചെയ്താലും മതിയാകും എന്ന് കൃഷ് ജി അറിയിച്ചിരിക്കുന്നു. താഴെ കൂട്ടിച്ചേര്‍ത്തത് 3 നോക്കുക )




പോസ്റ്റിയ ആ ചിത്ര പോസ്റ്റ് എഡിറ്റ് മോഡില്‍ എടൂത്ത് അതില്‍ src= എന്ന് തുടങ്ങന്ന ഒരു “http://.... .jpg“ എന്ന html കോഡ് കോപ്പി ചെയ്യുക ( ആദ്യം വേറൊരു html കോഡ് ഉണ്ട് a href= എന്ന് തുടങ്ങുന്നത് , അതല്ല കോപ്പി ചെയ്യേണ്ടത്, രണ്ടാമത്തേത് http:// മുതല്‍ .jpg വരെ - ചിത്രത്തില്‍ നോക്കുക )




ആ കോഡ് Edit User Profile ല്‍ Photograph - Photo URL എന്ന ഭാഗത്ത് പേസ്റ്റി സേവുക.അപ്പോള്‍ സേവ് ആയെങ്കില്‍ താഴെകൊടുത്തിരിക്കുന്ന പ്രകാരം കാണാം.




നിങ്ങളുടെ Profile പേജിലും...





ബ്ലോഗിലെ Main Page ലും ഈ ചിത്രം ദൃശ്യമാകും. നിങ്ങള്‍ മറ്റൊരാളുടെ പോസ്റ്റിന് അഭിപ്രായം എഴുതുമ്പോഴും ഈ ചിത്രം നിങ്ങളുടെ പേരിന് നേരെ വരും.


കൂടുതല്‍ വിവരങ്ങള്‍ ഇവിടെ


6.Link In Comments

പലരും ചോദിച്ച് കേട്ടിട്ടുള്ള ഒരു ചോദ്യമാണ് കമന്റുകളില്‍ എങ്ങനെയാണ് ലിങ്കുകള്‍ കൊടുക്കുന്നതെന്ന്. താഴെ കൊടുത്തിരിക്കുന്ന ചിത്രത്തില്‍ ഒരു Comments ല്‍ കൊടുത്തിരിക്കുന്ന ലിങ്ക് ആണ് കാണിച്ചിരിക്കുന്നത്. ഇതിലെ ഇവിടെ എന്നതില്‍ ക്ലിക്കിയാല്‍ മറ്റൊരു സൈറ്റിലേക്ക് ഡൈവര്‍ട്ട് ചെയ്യും. താഴെ ഇതെങ്ങനെ ചെയ്യാം എന്ന് കാണിച്ചിരിക്കുന്നു.


ഇതാണ് ആ Comment Setting


ആവശ്യമായ കാര്യങ്ങള്‍ എഴുതിയ ശേഷം ഒരു ചെറിയ html കോഡ് ഉപയോഗിച്ച് ലിങ്ക് കൊടുക്കാം.

ഈ Comment ല്‍ ഡെപ്തും ഗ്ലോയുമൊക്കൊ കൂട്ടാം എന്നെഴുതി ഉപയോഗിച്ച് ക്ലോസ് ചെയ്യുക. അതിനുശേഷം Comment ല്‍ കാണേണ്ടതായ വാക്ക് ( ഇവിടേ, ഈ ലിങ്കില്‍., ഇതില്‍...അങ്ങനെ - ഈ Comment ല്‍ ഇവിടെ എന്നുപയോഗിച്ചിരിക്കുന്നു ) ടൈപ്പി ഇതുപയോഗിച്ച് ക്ലോസ് ചെയ്യുക. ഇങ്ങനെ ചെയ്തത് ശരിയാണോന്നറിയാന്‍ Preview നോക്കിയാല്‍ മതി.



Preview ല്‍ ഇങ്ങനെ കണ്ടാല്‍ അതില്‍ മൌസ് ഒന്ന് വച്ച് നോക്കുക, ആ ലിങ്കില്‍ എത്തുമ്പോള്‍ മൌസിന്റെ ആരോമറി കൈ യുടെ ചിഹ്നം വന്നാല്‍ ലിങ്ക് ശരിയായി എന്നര്‍ത്ഥം. Publish This Commenent എന്നത് ക്ലിക്കിയാല്‍ ആ Commenent സേവ് ചെയ്യും.

അറിയാവുന്ന ചില കാര്യങ്ങള്‍ എന്നാലാവും വിധം അവതരിപ്പിക്കാന്‍ ശ്രമിക്കുന്നു. എന്റെ പരിമിതമായ അറിവു വച്ച് ഞാന്‍ ഈ എഴുതിയതില്‍ എന്തെങ്കിലും തെറ്റുകുറ്റങ്ങള്‍ ഉണ്ടെങ്കില്‍ അറിവുള്ളവര്‍ തിരുത്താന്‍ അ‍പേക്ഷിക്കുന്നു.

എല്ലാവര്‍ക്കും ഹാപ്പി ബ്ലോ‍ഗിങ്ങ്

...............................................................

ഉപകരിക്കുന്ന മറ്റ് സ്ഥലങ്ങള്‍ :

1. മലയാളത്തില്‍ എങ്ങനെ ബ്ലോ‍ഗാം - വക്കാരിമഷ്‌ടാ

2. നവാഗതര്‍ക്കായി - ആദിത്യന്‍

3. മലയാളം യൂണിക്കോഡ് ഫോണ്ടുകള്‍ - സെബിന്‍ ഏബ്രഹാം ജേക്കബ്

4. ബ്ലോഗര്‍ സഹായി

5. വെരി ഹാപ്പി ബ്ലോഗിങ്ങ്. - പേര് പേരക്ക

6. ആദ്യാക്ഷരി - അപ്പു

കൂടുതല്‍ ലിങ്കുകള്‍ ഉണ്ടെങ്കില്‍ പറഞ്ഞ് തന്നാല്‍ അവകൂടി ചേര്‍ക്കാം.

.............................................................

കൂട്ടിച്ചേര്‍ത്തത്

1. വക്കാരിമാഷ് പറഞ്ഞത് :

“ വേര്‍ഡ് വെരിഫിക്കേഷന്‍ ഇടുന്നത് സ്പാം കമന്റുകള്‍ വരുന്നത് ഒഴിവാക്കാന്‍ സഹായിക്കും. ഇപ്പോള്‍ പയ്യെപ്പയ്യെ സ്പാമരന്മാര്‍ പിന്നെയും വരാന്‍ തുടങ്ങിയിട്ടുണ്ട്.”

2. വിശ്വന്‍ മാഷ് പറഞ്ഞത് :

“ഫീഡുകള്‍ ഷോര്‍ട്ട് വേണോ ഫുള്ള് വേണോ എന്നുള്ളത് ഓരോരുത്തരുടേയും ഇഷ്ടമാണ്.എന്നിരുന്നാലും, മലയാളം ബ്ലോഗര്‍മാര്‍ക്കിടയില്‍ 2007-ല്‍ പ്രചരിച്ച ഏറ്റവും വലിയ അബദ്ധവും UTTER STUPIDITYയുമാണ് ഫീഡുകള്‍ ഷോര്‍ട്ട് ആക്കി വെക്കുക എന്നത്. Personally, I detest it completely and vehemently!

വേറെ എന്തെങ്കിലും പ്രത്യേകിച്ച് കാരണമൊന്നുമില്ലെങ്കില്‍ ഷോര്‍ട്ട് ഫീഡുകള്‍ വെച്ചിട്ടുള്ള ബ്ലോഗുകള്‍ തിരിഞ്ഞുപോലും നോക്കാതിരിക്കാന്‍ ഒരു വായനക്കാരനെന്ന നിലയ്ക്ക് ഞാന്‍ പ്രത്യേകം ശ്രദ്ധവെക്കാറുണ്ട്.

According to me, they do not deserve to even have a look from me! They are NOT blogs for me, but just some ordinary webpages. They do not form part of my Malayalam Reading spectrum at all!

അതുകൊണ്ട്, പുതുതായി ബ്ലോഗു തുടങ്ങുന്നവരും ഇതുവരെ ഇക്കാര്യം അത്ര ശ്രദ്ധിക്കാത്തവരും ദയവുചെയ്ത്, അവരുടെ ഫീഡുകള്‍ ഫുള്‍ എന്നു സെറ്റു ചെയ്യുക. നിങ്ങളുടെ ബ്ലോഗിനോ പരസ്യക്കൂലിയ്ക്കോ വിസിറ്റര്‍ ഹിറ്റിനോ അതുപോലുള്ള എന്തെങ്കിലും ഘടകത്തിനോ അതുകൊണ്ട് ഒരു നഷ്ടവും വരില്ല, നേരെ മറിച്ച് ദീര്‍ഘകാലാടിസ്ഥാനത്തില്‍ പല മെച്ചങ്ങളുമുണ്ടാവുകയും ചെയ്യും.എന്നെങ്കിലും ഞാന്‍ ഈ പറഞ്ഞത് ശരിയാണെന്ന്‌ നിങ്ങള്‍ക്കു ബോദ്ധ്യമാവുകയും ചെയ്യും.“

3. കൃഷ് ജി പറഞ്ഞത് :

“പ്രൊഫൈല്‍ ഫോട്ടോ അപ്പ്‌ലോഡ് ചെയ്ത് പോസ്റ്റ് ചെയ്യാതെ തന്നെ ഡ്രാഫ്റ്റ് ആക്കി സേവ് ചെയ്താല്‍ മതിയാകും. എന്നിട്ട് ഡ്രാഫ്റ്റ് എഡീറ്റ് ക്ലിക്കി html-ല് പോയി അതിലെ html url കോപ്പി ചെയ്ത് പ്രൊഫൈല്‍ ഫൊട്ടോയുടെ photo url-ല് പേസ്റ്റ് ചെയ്താല്‍ മതിയാകും.കമന്‍റുകളില്‍ പ്രൊഫൈല്‍ ഫോട്ടൊ വരാതിരിക്കാനുള്ള ഓപ്ഷനുമുണ്ട്.“

4. സെബിന്‍ ചേട്ടന്‍ പറഞ്ഞത് :

“ സ്പാം ധാരാളമായി വരുന്ന ബ്ലോഗുകളില്‍ മാത്രമേ സ്പാം ഫില്‍റ്ററുകളുടെ ആവശ്യം വരുന്നുള്ളൂ. മെഷീന്‍ ജനറേറ്റഡ് ആയ ഓട്ടോമാറ്റിക് മെസേജുകളാണ് സ്പാം എന്നതുകൊണ്ട് ഉദ്ദേശിക്കുന്നത്.

അനോണിമസ് കമന്റിന് അവസരം നല്‍കാതെ ഗൂഗിള്‍ അക്കൗണ്ട് ഉള്ളവര്‍ക്ക് മാത്രം കമന്റ് ചെയ്യാനാവുന്ന സൗകര്യം നിര്‍ബന്ധമാണെങ്കില്‍ ആവാം. ഇതുകൊണ്ട് പുലഭ്യം പറയുന്നവനെ കണ്ടെത്താന്‍ എളുപ്പമാകുമെന്ന ഗുണമെങ്കിലുമുണ്ട്.

വേണമെങ്കില്‍ കമന്റ് മോഡറേഷനുമാവാം. അതും തങ്ങളുടെ പോസ്റ്റുകളില്‍ സ്ഥിരമായി ആരെങ്കിലും തോന്ന്യവാസം എഴുതുന്നതായി കണ്ടാല്‍. അനാവശ്യമായി സ്പാം ഫില്‍റ്റര്‍ ഓണാക്കി വച്ചാല്‍ അതുകൊണ്ടുമാത്രം കമന്‍റാതെ പോകുന്നവര്‍ കാണും.

ഏതായാലും മലയാള ബ്ലോഗുകളില്‍ സ്പാം വലിയ ശല്യമുണ്ടാക്കുന്നില്ല, എന്നു തന്നെയാണ് മറുമൊഴി ഗ്രൂപ്പില്‍ വരുന്ന കമന്റുകള്‍ സൂചിപ്പിക്കുന്നത്.”

85 comments:

സഹയാത്രികന്‍ said...

അറിയാവുന്ന ചില കാര്യങ്ങള്‍ എന്നാലാവും വിധം അവതരിപ്പിക്കാന്‍ ശ്രമിക്കുന്നു. എന്റെ പരിമിതമായ അറിവു വച്ച് ഞാന്‍ ഈ എഴുതിയതില്‍ എന്തെങ്കിലും തെറ്റുകുറ്റങ്ങള്‍ ഉണ്ടെങ്കില്‍ അറിവുള്ളവര്‍ തിരുത്താന്‍ അ‍പേക്ഷിക്കുന്നു.

എല്ലാവര്‍ക്കും ഹാപ്പി ബ്ലോ‍ഗിങ്ങ്
:)

വാല്‍മീകി said...

വളരെ നല്ല പോസ്റ്റ്. പുതുതായി ബ്ലോഗ് തുടങ്ങുന്ന എല്ലാവര്‍ക്കും ഉപകാരപ്രഥം. നന്ദി സഹാ.

പേര്.. പേരക്ക!! said...

നല്ല ഉദ്യമം.ഒത്തിരി മെനക്കെട്ടു കാണുമല്ലോ?

ജിഹേഷ് എടക്കൂട്ടത്തില്‍|Gehesh| said...

സഹു, നന്നായി...ഇതിനൊക്കെ എവിടെന്നാ മാഷേ ടൈം?

മൂര്‍ത്തി said...

നന്നായിട്ടുണ്ട്..

ഹരിശ്രീ said...

സഹാ,

വീണ്ടും അടിപൊളിയാക്കി. ബ്ലോഗിങ്ങിനെ പറ്റി അറിയാത്തവര്‍ക്കും അറിഞ്ഞവര്‍ക്ക് അറിയാത്തവ മനസ്സിലാക്കാനും ഈ പോസ്റ്റ് ഉപകരിക്കും തീര്‍ച്ച.
സ്നേഹത്തോടെ...

മുരളി മേനോന്‍ (Murali Menon) said...

സദുദ്യമത്തിന് അഭിനന്ദനങ്ങള്‍!!! (സുനിലേ, നിന്നെ ദൈവം കാത്തോളും - സംശയില്യ - (ദൈവത്തിനു സമയം കിട്ടിയാല്‍)

വക്കാരിമഷ്‌ടാ said...

നല്ല ഉദ്യമം. ഓടിച്ചൊന്ന് വായിച്ചതേ ഉള്ളൂ - മുഴുവന്‍ വായിച്ചില്ല. വേര്‍ഡ് വെരിഫിക്കേഷന്‍ ഇടുന്നത് സ്പാം കമന്റുകള്‍ വരുന്നത് ഒഴിവാക്കാന്‍ സഹായിക്കും. ഇപ്പോള്‍ പയ്യെപ്പയ്യെ സ്പാമരന്മാര്‍ പിന്നെയും വരാന്‍ തുടങ്ങിയിട്ടുണ്ട്.

പ്രയാസി said...

ഇതിനാണല്ലെ ബുസ്യാ ബുസ്യാ എന്നും പറഞ്ഞു മുങ്ങി നടന്നത്.. നന്നായെടാ..സന്തോഷമായി..:)

ഹാപ്പി ബ്ലോഗിങ്ങും.. കൂടെ ഒരു ബ്ലുമ്മയും..;)

വേണു venu said...

അറിയാത്തവര്‍ക്കും അറിയാവുന്നവര്‍ക്കും ഉപകാര പ്രദമായ പോസ്റ്റു്. ആശംസകള്‍.:)

tk sujith said...

നന്ദി സഹായി-യാത്രികാ....

sandoz said...

ശരിക്ക് പണിയെടുത്തിട്ടുണ്ടല്ലോ...നന്നായി...

സഹയാത്രികന്‍ said...

വാല്‍മീകി മാഷേ നന്ദി :)
പേരയ്ക്കേ നന്ദി. ഇത്തിരി മെനക്കെട്ടു എന്നാലും കുഴപ്പില്ല ആര്‍ക്കെങ്കിലും ഉപകാരായാല്‍ അത് നല്ലതല്ലേ. :)
ജിഹേഷ് ജി നന്ദി. ഉള്ള സമയത്ത് പറ്റാവുന്നത് ചെയ്യാ... അതാണ് നമ്മുടെ പോളിസി. :)
മൂര്‍ത്തി മാഷേ നന്ദി. :)
ഹരിശ്രീ നന്ദി :)
മുരളിയേട്ടാ നന്ദി :) ബിസിയെല്ലാം കഴിഞ്ഞ് പതിയെ സമയം പോലെ ശ്രദ്ധിക്കും ദൈവം :)
വക്കാരി മാഷേ നന്ദി :)
മാഷ്‌ടെ ആ അഭിപ്രായം ഞാന്‍ പോസ്റ്റിലേക്ക് ചേര്‍ക്കുന്നു.
പ്രയാസി... ആ ബുസിയല്ല ഈ ബുസി...അത് ജോലിയാ മക്കളേ... ഇത് അത് കഴിഞ്ഞുള്ള നേരത്തേതാ നന്ദിണ്ട്ട്ടാ... :)
വേണുവേട്ടാ നന്ദി:)
സുജിത് ഭായ്.... നന്ദി :)
സാന്‍ഡോസേ നന്ദി :)

shams said...

സഹയാത്രികാ , സദുദ്യമത്തിന് നന്ദി .

ശ്രീഹരി::Sreehari said...

ഇതേ പോലെ ഒരു പോസ്റ്റ് തയ്യാറാക്കാന്‍ ഉള്ള് ഉദ്ദേശത്തില്‍ ആയിരുന്നു ഞാന്‍. ഏതായാലും വളരെ നനായി. അഭിനന്ദനങ്ങള്‍

കുഞ്ഞന്‍ said...

ഒരു സംശയവും വേണ്ടാ, സഹയാത്രികനേപ്പോലുള്ളവരാണ് ബൂലോകത്തിന്റെ സഹയത്രികരും ഓജസ്സും..!

ViswaPrabha വിശ്വപ്രഭ said...

സഹയാത്രികാ,

ഈ ശ്രമം അസ്സലായിട്ടുണ്ട്. വളരെ നല്ലത്.

എങ്കിലും ഒരു കാര്യം. ചെറുതല്ലാത്ത ഒരു ചെറിയ കാര്യം:


ഫീഡുകള്‍ ഷോര്‍ട്ട് വേണോ ഫുള്ള് വേണോ എന്നുള്ളത് ഓരോരുത്തരുടേയും ഇഷ്ടമാണ്.


എന്നിരുന്നാലും, മലയാളം ബ്ലോഗര്‍മാര്‍ക്കിടയില്‍ 2007-ല്‍ പ്രചരിച്ച ഏറ്റവും വലിയ അബദ്ധവും UTTER STUPIDITYയുമാണ് ഫീഡുകള്‍ ഷോര്‍ട്ട് ആക്കി വെക്കുക എന്നത്. Personally, I detest it completely and vehemently!

വേറെ എന്തെങ്കിലും പ്രത്യേകിച്ച് കാരണമൊന്നുമില്ലെങ്കില്‍ ഷോര്‍ട്ട് ഫീഡുകള്‍ വെച്ചിട്ടുള്ള ബ്ലോഗുകള്‍ തിരിഞ്ഞുപോലും നോക്കാതിരിക്കാന്‍ ഒരു വായനക്കാരനെന്ന നിലയ്ക്ക് ഞാന്‍ പ്രത്യേകം ശ്രദ്ധ വെക്കാറുണ്ട്.

According to me, they do not deserve to even have a look from me! They are NOT blogs for me, but just some ordinary webpages. They do not form part of my Malayalam Reading spectrum at all!


അതുകൊണ്ട്, പുതുതായി ബ്ലോഗു തുടങ്ങുന്നവരും ഇതുവരെ ഇക്കാര്യം അത്ര ശ്രദ്ധിക്കാത്തവരും ദയവുചെയ്ത്, അവരുടെ ഫീഡുകള്‍ ഫുള്‍ എന്നു സെറ്റു ചെയ്യുക. നിങ്ങളുടെ ബ്ലോഗിനോ പരസ്യക്കൂലിയ്ക്കോ വിസിറ്റര്‍ ഹിറ്റിനോ അതുപോലുള്ള എന്തെങ്കിലും ഘടകത്തിനോ അതുകൊണ്ട് ഒരു നഷ്ടവും വരില്ല, നേരെ മറിച്ച് ദീര്‍ഘകാലാടിസ്ഥാനത്തില്‍ പല മെച്ചങ്ങളുമുണ്ടാവുകയും ചെയ്യും.

എന്നെങ്കിലും ഞാന്‍ ഈ പറഞ്ഞത് ശരിയാണെന്ന്‌ നിങ്ങള്‍ക്കു ബോദ്ധ്യമാവുകയും ചെയ്യും.


ദയവുചെയ്ത് വളരെ ബുദ്ധികൂടി കിണറ്റില്‍ പോയി മുട്ടയിടുന്ന പൊന്മാനുകളാവാതിരിക്കാന്‍ ശ്രദ്ധിക്കുക! എന്റെ വിനീതമായ അപേക്ഷയാണ്.

അങ്കിള്‍ said...

സഹയാത്രികാ,
നവാഗതരെ സ്വാഗതം ചെയ്യാന്‍ ഒരു പ്രത്യേക പേജ്‌ തന്നെ തയ്യാറാക്കി വെച്ചിട്ടുണ്ട്‌, ഞാന്‍. ഇന്നു മുതല്‍ ആ പേജില്‍, ഈ പോസ്റ്റിന്റെ ലിങ്ക്‌ കൂടെ ഉറപ്പായും ഉണ്ടാകും.

കെ പി സുകുമാരന്‍ അഞ്ചരക്കണ്ടി said...

ഈ സദുദ്യമത്തിന് സഹയാത്രികന് എന്റെ അഭിനന്ദനങ്ങള്‍!!!

അപ്പു said...

സുനിലേ, ഇത്രയും സമയം പുതിയ ബ്ലോഗര്‍മാര്‍ക്കായി നീക്കിവച്ച സന്മനസ്സിന് അഭിനന്ദനങ്ങള്‍!!

ബാജി ഓടംവേലി said...

ഒത്തിരി ഉപകാരം.
എനിക്കും പ്രയോജനപ്പെട്ടു.
നല്ല മനസ്സിന് നന്ദി.

Geetha Geethikal said...

സഹയാത്രികന്റെ ആ വലിയ മനസ്സിന് വീണ്ടൂം വീണ്ടും നന്ദി.

ഇതും ഞാന്‍ ഇന്നു വായിച്ചതേയുള്ളു....
എല്ലാം നടപ്പാക്കണം....

എന്നെപ്പോലെയുള്ളവര്‍ക്ക്‌ വളരെ ഉപകരിക്കുമിത്‌.

കൊച്ചുത്രേസ്യ said...

സഹൂ നന്നായീന്നല്ല;വളരെ വളരെ നന്നായി..

ആഗ്നേയ said...

വളരെ നന്ദി സഹയാത്രികാ....
എന്റെ കുറേ പൊട്ടത്തരങ്ങള്‍ മനസ്സിലായി....

കൃഷ്‌ | krish said...

പുതുതായി ഒരു ബ്ലോഗ് തുടങ്ങുന്നതിനെക്കുറിച്ചും അതില്‍ വരുത്തേണ്ട സെറ്റപ്പുകളെക്കുറിച്ചും വളരെ വിശദമായി ചിത്രങ്ങള്‍ സഹിതം ഒറ്റ പോസ്റ്റില്‍ അവതരിപ്പിച്ചത്‌ പലര്‍ക്കും പ്രയോജനകരമായിരിക്കും. ഈ ഉദ്യമത്തിന് സമയം കണ്ടെത്തി അത് പോസ്റ്റാക്കി ഇട്ടതിന് ആശംസകള്‍.
ബ്ലോഗറിന്‍റെതല്ലാത്ത തേഡ് പാര്‍ട്ടി റ്റെമ്പ്ലേറ്റ് ബ്ലോഗ്സ്പോട്ടില്‍ ഉപയോഗിക്കുമ്പോള്‍ ടെമ്പ്ലേറ്റ് സെറ്റപ്പില്‍ കാര്യമായ മാറ്റങ്ങള്‍ വരുത്തേണ്ടതുണ്ടോ. ഇത് ശ്രമിച്ചിട്ടില്ലാത്തതുകൊണ്ടാ.

പിന്നെ, പ്രൊഫൈല്‍ ഫോട്ടോ അപ്പ്‌ലോഡ് ചെയ്ത് പോസ്റ്റ് ചെയ്യാതെ തന്നെ ഡ്രാഫ്റ്റ് ആക്കി സേവ് ചെയ്താല്‍ മതിയാകും. എന്നിട്ട് ഡ്രാഫ്റ്റ് എഡീറ്റ് ക്ലിക്കി html-ല് പോയി അതിലെ html url കോപ്പി ചെയ്ത് പ്രൊഫൈല്‍ ഫൊട്ടോയുടെ photo url-ല് പേസ്റ്റ് ചെയ്താല്‍ മതിയാകും.
കമന്‍റുകളില്‍ പ്രൊഫൈല്‍ ഫോട്ടൊ വരാതിരിക്കാനുള്ള ഓപ്ഷനുമുണ്ട്.

സഹയാത്രികന്‍ said...

ഷാംസ് നന്ദി :)
ശ്രീഹരി നന്ദി :)
കുഞ്ഞേട്ടാ നന്ദി :)
വിശ്വേട്ടാ... ഫീഡുകളേക്കുറിച്ച് ഇതില്‍ എഴുതിയിരുന്നത് കേട്ടറിഞ്ഞതായിരുന്നു. വിശ്വേട്ടന്റെ അഭിപ്രായം പോസ്റ്റിലേക്ക് ചേര്‍ത്തിട്ടുണ്ട്. പറഞ്ഞ് തന്നതിന് നന്ദി :)
അങ്കിളേ നന്ദി :)
സുകുമാരേട്ടാ നന്ദി :)
അപ്പ്വേട്ടാ നന്ദി :)
ബാജിമാഷേ സന്തോഷം , നന്ദി :)
ഗീതേച്ച്യേ സന്തോഷം, നന്ദി :)
ത്രേസ്യാ പെങ്ങളേ നന്ദി :)
ആഗ്നേയ നന്ദി :)
കൃഷ് ജി നന്ദി, താങ്കളുടെ അഭിപ്രായം പോസ്റ്റിലേക്ക് ചേര്‍ത്തിട്ടുണ്ട്.:)

Sebin Abraham Jacob said...

പാര്‍ഷ്യല്‍ ഫീഡിന്റെ കാര്യത്തില്‍ വിശ്വം പറഞ്ഞതു തന്നെയാണ് വേര്‍ഡ് വേരിഫിക്കേഷന്റെ കാര്യത്തില്‍ എനിക്ക് പറയാനുള്ളത്. സ്പാം ധാരാളമായി വരുന്ന ബ്ലോഗുകളില്‍ മാത്രമേ സ്പാം ഫില്‍റ്ററുകളുടെ ആവശ്യം വരുന്നുള്ളൂ. മെഷീന്‍ ജനറേറ്റഡ് ആയ ഓട്ടോമാറ്റിക് മെസേജുകളാണ് സ്പാം എന്നതുകൊണ്ട് ഉദ്ദേശിക്കുന്നത്. അല്ലാതെ ഈയടുത്ത് ജയകേരളം എഡിറ്ററും, എം. കെ. ഹരികുമാറും ബ്ലോഗായ ബ്ലോഗിലെല്ലാം പോയി പൂശിയ കമന്റുകളെയല്ല. അവര്‍ വേര്‍ഡ് വേരിഫിക്കേഷന്‍ വച്ചാലും അപ്പോള്‍ അതേ പോലെ ചെയ്യുമായിരുന്നു.

അനോണിമസ് കമന്റിന് അവസരം നല്‍കാതെ ഗൂഗിള്‍ അക്കൗണ്ട് ഉള്ളവര്‍ക്ക് മാത്രം കമന്റ് ചെയ്യാനാവുന്ന സൗകര്യം നിര്‍ബന്ധമാണെങ്കില്‍ ആവാം. ഇതുകൊണ്ട് പുലഭ്യം പറയുന്നവനെ കണ്ടെത്താന്‍ എളുപ്പമാകുമെന്ന ഗുണമെങ്കിലുമുണ്ട്. വേണമെങ്കില്‍ കമന്റ് മോഡറേഷനുമാവാം. അതും തങ്ങളുടെ പോസ്റ്റുകളില്‍ സ്ഥിരമായി ആരെങ്കിലും തോന്ന്യവാസം എഴുതുന്നതായി കണ്ടാല്‍. അനാവശ്യമായി സ്പാം ഫില്‍റ്റര്‍ ഓണാക്കി വച്ചാല്‍ അതുകൊണ്ടുമാത്രം കമന്‍റാതെ പോകുന്നവര്‍ കാണും.

ഏതായാലും മലയാള ബ്ലോഗുകളില്‍ സ്പാം വലിയ ശല്യമുണ്ടാക്കുന്നില്ല, എന്നു തന്നെയാണ് മറുമൊഴി ഗ്രൂപ്പില്‍ വരുന്ന കമന്റുകള്‍ സൂചിപ്പിക്കുന്നത്. അങ്ങനിരിക്കെ എന്തിനാണ് വേര്‍ഡ് വേരിഫിക്കേഷന്‍ എന്ന അഭ്യാസം?

വാളൂരാന്‍ said...

valare nannayi.....

സഹയാത്രികന്‍ said...

കൃഷ്ജി തേഡ് പാര്‍ട്ടി റ്റെമ്പ്ലേറ്റ് ഞാന്‍ ഉപയൊഗിച്ച് നോക്കിയിട്ടില്ല...ഞാന്‍ നോക്കിയിട്ട് പറയാം... അതുപയോഗിക്കുന്നവര്‍ അറിയുമെങ്കില്‍ പറഞ്ഞാല്‍ നന്നായിരുന്നു. :)

സെബിന്‍ ചേട്ടാ.. വളരേ നന്ദി വിശദമായ ഈ കമന്റിനു... ഇത് ഞാന്‍ പോസ്റ്റിലേക്ക് ആഡ് ചെയ്യുന്നു. :)

വാളൂരാന്‍ മാഷേ... നന്ദി :)

ശ്രീ said...

സഹയാത്രികാ...

ഇതും വളരെ നന്നായി. നവാഗത ബ്ലോഗര്‍‌മാര്‍‌ക്ക് വളരെ ഉപകാരപ്പെടുന്ന ഒരു പോസ്റ്റ്.

:)

കൊച്ചു മുതലാളി said...

:)

വലിയ ഉപകാരം.

മയൂര said...

പുതുതായി ബ്ലോഗ് തുടങ്ങുന്ന എല്ലാവര്‍ക്കും ഉപകാരപ്രഥം..നന്നായിട്ടുണ്ട്...:)

Areekkodan | അരീക്കോടന്‍ said...

എനിക്കും പ്രയോജനപ്പെട്ടു.
ഒത്തിരി ഒത്തിരി നന്ദി...

സഹയാത്രികന്‍ said...

ശ്രീ സന്തോഷം.... നന്ദി :)

കൊച്ചുമുതലാളീ... സന്തോഷം :)

മയൂരാമ്മേ... നന്ദി :)

അരീക്കോടന്മാഷേ നന്ദി :)

കുതിരവട്ടന്‍ :: kuthiravattan said...

കൊള്ളാം സഹയാത്രികാ, പുതിയതായി വരുന്നവര്‍ക്ക് തീര്‍ച്ചയായും ഉപകാരപ്പെടും.

ആഷ | Asha said...

വളരെ ഉപകാരപ്രദം!

ഞാനും പുതിയൊരു കാര്യം പഠിച്ചു.
പേജ് എലമെന്റ് ഡ്രാഗ് ചെയ്തു സ്ഥാനം മാറ്റമെന്നു എനിക്കറിയില്ലായിരുന്നു. :)

Sumesh Chandran said...

സുനില്‍, ഗുഡ് എഫര്‍ട്ട്....

(എവിടുന്നാ മനുഷ്യാ, ഇത്രയും പേഷ്യന്‍സ് കിട്ടുന്നെ... ഹൊ..) :)

റഫീക്ക് കിഴാറ്റൂര്‍ said...

പുതുയ അറിവുകള്‍ നല്‍കിയതിനു
നന്ദി.

സഹയാത്രികന്‍ said...

കുതിരവട്ടന്‍ മാഷേ... നന്ദി :)

ആഷേച്ച്യേ... സന്തോഷം നന്ദി :)

സുമേഷേട്ടാ... നന്ദി :)

റഫീക്ക് ഭായ്.. നന്ദി :)

Typist | എഴുത്തുകാരി said...

ഞാനിപ്പഴാ കണ്ടതു്. മുഴുവന്‍ വായിച്ചില്ല. ഒന്നോടിച്ചു നോക്കിയപ്പോള്‍ മനസ്സിലായി, വളരെ വളരെ ഉപകാരപ്രദമാണെന്നു്, പുതിയവര്‍ക്കു മാത്രമല്ല, പഴയവര്‍ക്കും.

പ്രിയപ്പെട്ട സഹയാത്രികാ, പേരിനെ അന്വര്‍ഥമാക്കുന്നു, “സഹയാത്രികനും, നിങ്ങള്‍ക്കായും”

മാവേലി കേരളം said...

സഹയാത്രികാ,

മറ്റുള്ളവരെ സഹായിയ്ക്കാനുള്ള മനസിനും നന്ദി. എല്ലാം വായിച്ചില്ല,എന്നേപ്പോലെയുള്ളവര്‍ക്ക് ഈ അറിവുകള്‍ വളരെ വളരെ വിലപ്പെട്ടതാണ്.

സഹയാത്രികന്‍ said...

എഴുത്തുകാരി, മാ‍വേലികേരളം... നന്ദി :)

അലി said...

വളരെ പ്രയോജനകരമായ ഈ പോസ്റ്റിട്ടതിനു നന്ദി...
അഭിനന്ദനങ്ങള്‍..

പോങ്ങുമ്മൂടന്‍ said...

വളരെ നന്ദി.

അപര്‍ണ്ണ said...

ഇതിലു നോക്കീട്ട്‌ ഞാന്‍ കുറെ മാറ്റം വരുത്തീട്ടൊ. thanks a ton :-)

ഏറനാടന്‍ said...

സഹയാത്രികാ, താങ്കളുടെ പ്രയക്നത്തെ പ്രകീര്‍‌ത്തിക്കാതെ വെയ്യ. ഉപകാരപ്രദമാം പോസ്റ്റിന്നാണ്‌ മൊത്തം വായിച്ചത്‌.

മറുമൊഴികളുടെ ഈമെയില്‍ വിലാസം കൊടുത്തതില്‍ gamil.com എന്നത്‌ gmail.com എന്നാക്കിയാല്‍ വ്യക്തമാവും.

..::വഴിപോക്കന്‍[Vazhipokkan] said...

സഹന്‍, വലിയ കാര്യം തന്നെ,ഉപകാരപ്രദവും
അഭിനന്ദനങ്ങള്‍.

സാങ്കേതികന്‍ said...

ഈ സദുദ്യമം വിദ്യാര്‍ധികള്‍ക്കയി പ്രസിധീകരിച്ചോട്ടെ
വിലാസം അറിയിചാല്‍ മാസിക തുടര്‍ച്ചയായി
അയക്കാം

archana ramachandran said...

ഞാന്‍ ഒന്നു പരീക്ഷിചു നോക്കുകയായിരുന്നു.....കൊളളാം പറ്റുന്നു....

അനില്‍ ആദിത്യ said...

പുതിയൊരു ബ്ളോഗറായ എനിക്കു ഇതു വളരെ ഉപകാരപ്പെട്ടു.
നന്ദി സഹയാത്രികന്‍....

krishnathrishna said...

ഞാന്‍ ഈ ബ്ലോഗിന്‍റെ വഴിയില്‍ തപ്പിത്തടയുകയായിരുന്നു.....ഒരു കൈ തന്നു സഹായിച്ചതിനു ഒരുപാടു നന്ദി.....എനിക്കു പേടി തോന്നുമ്പോള്, ഉറക്കെ ഒന്നു വിളിച്ചുചോദിക്കാന്‍ ഒരാളായല്ലോ...ഒരുപാടു നന്ദി..

Nishagandhi said...

valare upakaarapradham aaayirunnu......ithrayum detail aaayi vishadeekarichu thannathinu...including screenshots....thanks a lot.....

ckmanoj said...

hai pls help me i use OPEN OFFICE insted of MS office but now i cannot read malayalam properly ,i get malayalam but it is not a good language,so i installed Anjali old lipi &Rachana But my problam existing....i cannot read malayalam newspaper online editions there is no malayalam letters symbols only pos mail me how to solve it
ck.manojkumar@gmail.com

വാവാച്ചന്‍ said...

കൊള്ളാം തുടക്കക്കാര്‍ക്ക്‌ വളരെ പ്രയോജനം ചെയ്യും

മലയാ‍ളി said...

:)

ശ്രീലാല്‍ said...

സഹാ, വളരെ അഭിനന്ദനം അര്‍ഹിക്കുന്നു നിങ്ങള്‍. തീര്‍ച്ചയായും തുടക്കക്കാര്‍ക്ക് ഈ പോസ്റ്റ് ഒരു വഴികാട്ടിയാണ്.

ദില്‍ബാസുരന്‍ said...

മറുമൊഴികളുടെ ഈമെയില്‍ വിലാസം കൊടുത്തതില്‍ gamil.com എന്നത്‌ gmail.com എന്നാക്കിയാല്‍ വ്യക്തമാവും.

Rare Rose said...

സഹയാത്രികാ..വളരെ ഉപകാരപ്രദമായ ഒരു പോസ്റ്റ്...ഇത്തരം പോസ്റ്റുകള്‍ ഇനിയും പോരട്ടെ...:-)
വഴിപോക്കന്റെ നിര്‍ദ്ദേശപ്രകാരം ഒരു സംശയ നിവാരണത്തിനു വേണ്ടിയാണു ഞാന്‍ ഇപ്പോള്‍ ‍ഇവിടെയെത്തിയതു..കുറച്ചു ദിവസമായി എന്റെ ബ്ലോഗില്‍ പുതിയ പോസ്റ്റ് ഇടാന്‍ പറ്റുന്നില്ല..text formatting editor പെട്ടെന്നു കാണാനില്ല..ആ പേജ് error കാണിക്കുന്നു..compose mode "yes" എന്നു തന്നെയാണു കൊടുത്തിരിക്കുന്നതു..പിന്നെ എന്തായിരിക്കും കുഴപ്പം...ഒരു പിടിയും കിട്ടുന്നില്ല..എന്തെങ്കിലും വഴിയുണ്ടോ ഈ പ്രശ്നത്തിനു??..:-(

പ്രവീണ്‍ ചമ്പക്കര said...
This comment has been removed by the author.
barb michelen said...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

abubacker said...

വലരെയധികം അറിവ് കിട്ടി.

D U B A Y K K A R A N said...
This comment has been removed by the author.
D U B A Y K K A R A N said...

ഒരു പുതുമുഖമാണു ഞാന്‍..

ഈ സഹായഹസ്തത്തന് വളരെ വളരെയധികം നന്ദി....

എല്ലാം നടപ്പില്‍ വരുത്തും.....

എനിക്ക് ഈ പോസ്റ്റ് കാണിച്ച് തന്നത് ഗുരുജി യാണ്....

അദ്ധേഹത്തിനും ഞാന്‍ നന്ദിയറിയിക്കുന്നു.....

ശ്രീ said...

സഹയാത്രികാ...

ഇത് ഇവിടെ ഇതേപോലെ കാണുന്നുണ്ടല്ലോ. അറിഞ്ഞിരുന്നോ?

കുറേനാള്‍ ആയില്ലേ മുങ്ങി നടക്കുന്നു. അതോണ്ടായിരിയ്ക്കും ;)

സഹയാത്രികന്‍ said...

മറുമൊഴികളുടെ ഈമെയില്‍ വിലാസം കൊടുത്തതില്‍ gmail.com എന്നത്‌ gamil.com എന്നെഴുതിയതില്‍ ഖേദിക്കുന്നു... തെറ്റ് തിരുത്തിയിട്ടുണ്ട്... ചൂണ്ടിക്കാണിച്ചതിന് നന്ദി.

ശ്രീ,ഞാന്‍ കണ്ടു... :)

എല്ലാര്‍ക്കും വീണ്ടും നന്ദി :)

ആനമണ്ടി said...
This comment has been removed by the author.
ആരോ said...

നന്ദി സഹൂ നന്ദി..

രസികന്‍ said...

ബ്ലോഗിൽ ഒരുപാടു പുതിയ അറിവുകൾ സമ്മാനിച്ച സഹയാത്രികനോട് ഒരുപാട് നന്ദിയുണ്ട്

bernard n. shull said...

hi mate, this is the canadin pharmacy you asked me about: the link

നന്ദു said...

നന്ദി... നന്ദി... നന്ദി!

അങ്കിള്‍ said...

ഇതിനകം 17000 തില്‍ കൂടുതല്‍ ഹിറ്റ് കഴിഞ്ഞ ഒരു ബ്ലോഗുണ്ട്: ആദ്യക്ഷരി . അതെങ്ങനെ വിട്ടുപോയി സഹയാത്രികാ.

സഹയാത്രികന്‍ said...

ഈ പോസ്റ്റിടുന്ന സമയത്ത് ആദ്യാക്ഷരി റിലീസ് ആയിട്ടുണ്ടായില്ല... അതിനാലാണ് അത് ചേര്‍ക്കാതെ പോയത്... ചൂണ്ടിക്കാ‍ണിച്ചതിന്‍ നന്ദി. ലിങ്ക് ചേര്‍ത്തിട്ടുണ്ട്.

:)

ജഗ്ഗുദാദ said...

Aadyamaayi ee post cheyyan thaangal itta effortine najn appreciate cheyyunnu...

ithu theerchayaayum evarkkum upakarapredam thanne..

നരിക്കുന്നൻ said...

പുതുതായി ബ്ലോഗു തുടങ്ങുന്നവർക്ക് വളരെ ഉപകാര പ്രധമാകും ഈ പോസ്റ്റ്. ഈ പരിശ്രമത്തെ അഭിനന്ദിക്കുന്നു.

ഇനിയും അറിവുകൾ ഇവിടെ പകർത്തുമെന്ന് പ്രതീക്ഷിക്കുന്നു.

kalladi said...

How can you blogge in malayalam, Really it was very use full to me.
If any body create a club of and for graphic designers it will be very usefull to so many persons.

Aamir said...

ഒരു പുതിയ ബ്ലോഗ് തുടങ്ങാന് സഹയിച താങ്കള്ക്ക് എന്റെ ഹൃദയം നിറഞ നന്ദി...........

Panicker said...

വളരെ ഉപയോഗപ്രദമായ post... താങ്കളുടെ effort-നു നന്ദി...

Roopesh Ambalavayal said...

F´p sN¿-W-sa--dn-bmsX hnj-an-¡p-I-bm-bn-cpp Rm³......

karimeen said...

save cheytha draft edit cheyyan open aakuvan dharalam samayam edukkunnu.enthucheyyanam

മങ്ങാടന്‍ said...

ബ്ലോഗ്‌ ലോകത്ത് ദിക്കറിയാതെ നടന്ന എനിക്ക് ഒരു താങ്ങ് (കൈത്താങ്ങ്‌ )തരാന്‍ തോന്നിയല്ലോ നന്ദി . മറ്റുള്ളവര്‍ക്ക് നന്മ ചെയ്യാന്‍ ഒരു നല്ല മനസുള്ള താങ്കള്‍ക്ക് ഇനിയും ഇതുപോലുള്ള നല്ല പോസ്റ്റ്‌ ചെയ്യാന്‍ കഴിയട്ടെ .

Jithil said...

ഇതു വിന്‍ഡൊസ് വിസ്റ്റ സപ്പോര്‍ട്ട് ചെയ്യോ ??

അജീഷ് ജി നാഥ് അടൂര്‍ said...

thank u very much.....i started a blog....

ചങ്ങാതി said...

ചങ്ങാതിയുടെ അഭ്യര്‍ത്ഥന !
നിങ്ങളുടെ ബ്ലോഗ്‌ ഞാന്‍ വായിച്ചു. നന്നായിട്ടുണ്ട്,. ദയവായി നിങ്ങള്‍ക്ക് കഴിയുമെങ്കില്‍ മലയാളത്തിലെ ആദ്യ സോഷ്യല്‍ നെറ്റ്‌വര്‍ക്ക് അയ ചങ്ങാതിയില്‍ ഒരു പ്രൊഫൈല്‍ തുടങ്ങുവാനും നിങ്ങളുടെ ബ്ലോഗുകള്‍ അതിലും എഴുതുവാനോ സമയമില്ലെങ്കില്‍ ഒന്ന് കോപ്പി & പേസ്റ്റ് എങ്കിലും ചെയ്യുവാന്‍ അഭ്യര്‍ത്ഥിക്കുന്നു.
എന്ന് ആനന്ദ്‌, (ചങ്ങാതി . ഇന്‍ വെബ്സൈറ്റ് ന്റെ നിര്‍മാതാവ് )
കോഴിക്കോട് , 9496809256 ഇമെയില്‍: anandnambissan2@gmail.com
website: http://www.changathi.in


* I read your blogs & i like it..
I am kindly request to you for create a profile on CHANGATHI.IN First social network in Malayalam & copy your blogs or create new one in changathi.
Changathi.in - Administrator website: http://www.changathi.in

tpsalih said...

it is a very good attempt to us

tpsalih said...

it is a very good attempt to us